Pasi filluan të gjitha kampionatet më të rëndësishme europiane, sot do të fillojë edhe Serie A. Kampionati më me traditë në futbollin europian pritet që këtë sezon të pësojë shumë ndryshime dhe të jetë një sezon shumë më i mirë se ai i kaluar.
Ndeshja Fiorentina-Udinese do të hapë sezonin e ri në Serie A, teksa po sonte luan edhe Juventusi, i cili e pret në shtëpi Parmën.
Të dielën pasdite Milani do ta presë në San Siro Sampdorian e promovuar për një start të ri të sezonit pa lojtarët kryesorë, Ibrahimovic dhe Silva, teksa Interi i shkon Pescaras po ashtu të promovuar në elitë.
Ky sezon në Serie A do të jetë i përshkruar nga disa ndryshime. Së pari trajnerët mund të zgjedhin një pankinë prej 22 lojtarësh, teksa fusha e lojës do të jetë e kontrolluar nga gjashtë gjyqtarë, edhe dy shtesë prapa portave për të garantuar evitimin e golave ‘fantazmë’ dhe penaltive kontraverse.
No comments:
Post a Comment